A Digitalis purpurea, coñecida en galego como dedaleira ou estralote, é unha planta herbácea bienal que pertence á familia das Plantagináceas. É recoñecida polas súas flores tubulares e vistosas que se dispón en espigas verticais.
Plantaginaceae
As flores son tubulares, de cor púrpura ou rosada con manchas escuras no interior. Estas manchas axudan a guiar aos insectos polinizadores cara ao néctar. As flores dispóñense en espigas longas e ergueitas, e a floración ocorre principalmente entre finais da primavera e o verán.
As follas son grandes, oblongo-lanceoladas, con bordes dentados e unha textura vellosa. Forman unha roseta basal no primeiro ano de crecemento, e no segundo ano desenvólvese o talo floral.
Os froitos son cápsulas que conteñen numerosas sementes pequenas. Cando as cápsulas maduran, ábrense para liberar as sementes, que se dispersan principalmente polo vento.
A dedaleira prefire solos ácidos, ben drenados e ricos en materia orgánica. Pódese atopar en claros de bosques, beiras de camiños, pendentes e zonas de monte baixo. É común en áreas perturbadas e é capaz de colonizar rapidamente espazos abertos.
A Digitalis purpurea é importante para os polinizadores, especialmente abellas e bolboretas, que visitan as súas flores para recoller néctar e pole. Tamén contribúe á biodiversidade local ao proporcionar alimento e hábitat para diversas especies de insectos.
Digitalis purpurea
Estalote
Contacta con nos por calquera dos seguintes medios.